Ermənistan parlamentinin sabiq sədri, bu yaxınlarda üçüncü dəfə nikaha girən Alen Simonyan toy etmək qərarına gəlib.

Bu barədə “Joxovurd” qəzeti yazıb.

Məqalədə qeyd olunur ki, təntənəli mərasim sentyabrın 5-də paytaxt restoranlarından birində keçiriləcək. Parlamentin keçmiş spikeri toya bütün siyasi elitanı dəvət edib. Lakin nəşrin yazdığına görə, Simonyanın hazırda “qəzəbə gəlməsini” nəzərə alsaq, əsas intriqa banketdə Ermənistanın baş naziri Nikol Paşinyanın iştirak edib-etməyəcəyidir.

Simonyanın həyat yoldaşı siyasətçidən 20 yaş kiçik olan 26 yaşlı model Anelya Qubryandır. Fevral ayında nişanlanan cütlük bir neçə ay sonra nikahlarını rəsmi qeydiyyata alıblar. Keçən ilin yayında Simonyan Məryəm Markaryandan boşanıb. Hələ o zaman mətbuat onun gənc modellə sevgilisi olması haqqında yazırdı.